Pope Emeritus Benedict na XVI (16), Fafaroma na farko da ya yi murabus cikin shekaru 600, ya rasu yana da shekara 95.
WASHINGTON, D.C - A wata sanarwar da mai magana da yawun fadar Vatican Matteo Bruni ya fitar a safiyar yau Asabar ta ce: “Cikin bakin ciki nake sanar da ku cewa Fafaroma Emeritus Benedict na 16 ya rasu a yau da karfe 9:34 a gidan ibada na Mater Ecclesia da ke fadar Vatican”.
Fafaroma Francis zai jagoranci jana’izar sa a dandalin St. Peter’s a ranar Alhamis, lamarin da ba a taba ganin irinsa ba inda wani Fafaroma dake kan mulki a yanzu zai yi bikin jana’izar tsohon.
-AP