Shugaban ‘yan sanda na yankin Austin dake jihar Texas a nan Amurka, Brian Manley yace mutumen da ake zargi da kai hare haren bama-bamai Mark Conditt ya bar bidiyo na wani sako mai tsawon mintoci 25 da ya dauka da wayarsa ta hanu kafin ya hallaka kansa.
WASHINGTON D.C —
Hukumomi sun yi gargadin cewa watakila har yanzu akwai sauran bamabaman da basu riga sun tashi ba a garin na Austin, amma a yammacin ranar Laraba sun amincice cewa babu raguwar kunshin bam din da ka iya zama barazana ga jama’ar gari.
‘Yan sanda sun imanin cewa Conditt shine ne mutumin da ya kai hare-hare shidda da bama-bammai a cikin garin Austin da kewaye a sati uku da suka gabata, inda biyar daga ciki suka fashe kuma suka yi sanadiyuar mutuwar mutane biyu da raunata wasu su biyar.
Conditt ya kashe kansa ne yayinda ya saki bam na bakawai a cikin motar sa da safiyar jiya Laraba lokacin da ‘yan sanda suka je kamashi.