Najeriya

Kungiyar Dattawan Arewacin Najeriya Ta Bukaci Shugaba Buhari Ya Sauka Daga Mulki

Kungiyar Dattawan Arewa

Duk da gangarar karewar wa'adin mulkin shugaban kasa Muhammadu Buhari, kungiyar Dattawan Arewacin Najeriya ta ce wajibi ne shugaban kasa ya ajiye mukamin shi saboda gazawar da ya yi na kare rayukan mutane da dukiyoyi.
Washington — 

KADUNA, NIGERIA - Dama dai a can baya kungiyar Dattawan Arewacin Najeriyan ta taba kira akan shugaban kasa ya sauka daga mukamin shi, sai dai wannan karon ta ce ba shawara ta ke bayarwa ba, dole ne shugaba Muhammadu Buhari ya sauka tun da ya gaza.

Mai magana da yawun kungiyar Dattawan Arewacin Najeriyan Dr. Hakeem Baba Ahmed ya ce kasar ce ke cikin halin tsamin tsaro.

Ku Duba Wannan Ma Zaben 2023: Mata Sun Shirya Yin Takarar Shugaban Kasa a Najeriya

Sai dai tsohon Dan-majalissar Dattawan Najeriya, Sanata Shehu Sani na Jam'iyyar PDP ya ce duk da baya goyon bayan shugaban kasa Muhammadu Buhari amma bai kamata a ce ya sauka ba.

Maganar matsalar tsaro da matsin rayuwa dai na cikin manyan dalilan da masu sukar gwamnatin shugaba Buhari ke yawan bayarwa, sai dai kuma gwamnatin ta ce tana matukar kokarin kawo karshen matsalolin da ke damun wannan kasa.

Saurari cikakken rahoton Isah Lawal Ikara cikin sauti:

Your browser doesn’t support HTML5

Kungiyar Dattawan Arewacin Najeriya Ta Bukaci Shugaba Buhari Da Ya Sauka Daga Mulki