WASHINGTON, DC —
Tsoro da fargaba ya hargitsa mutane a jihar Alabama dake kudu maso gabashin Amurka, alokacin da aka ajiye wani ‘katon kwai abakin kofar shiga wani gidan yada labarai na AL.com.
Girman kwan ne ya tsorata mutane hakan yasa aka kai ga kwashe duk mutanen dake cikin wannan gini domin rashin sanin mai zai faru.
An dai Ankara da ajiyar ne da missalin karfe ‘daya da rabi na rana, aka kuma kira ‘yan sanda domin fargabar ko bom ne aka ajiye, inda jami’an warware bama bamai suka duba wannan kwai tayin amfani da na’urori don tabbatar da abinda ke cikin wannan kwai.
Daga karshe ‘yan sandan sun gano cewa ‘katon kwan na dauke da alawowi ne kawai ba bom ba.