WASHINGTON D.C —
Mohammed Zaks ya bamu labarin wani tela wanda wata mata ta kawo masa dinki amma ya dauki lokaci mai tsawo bai cika alkawari ba, wato kullum yana yi mata alkawarin zai dinka amma idan tazo ta amsa sai ta isko bai yi ba.
Ana nan ana nan watarana yana cikin aiki sai ya hangi matar tana zuwa, sai kawai mutuminka ya daka tsalle ya fada karkashin tebur ya jawo yadudduka ya rufe jikinsa wato dan kada ta ganshi.
Isowar matar ke da wuya sai ta tambayi sauran abokan aikin sa, dan Allah ina wane? sai suka amsa yanzu yanzu ya fita, amma kash! ashe bai rufe kafar sa guda ba.
Budar bakin matar sai tace masu to idan ya dawo ku fada masa idan zai tafi wani wuri ya daina mantawa da kafar sa guda a karkashin tebur.
Saurari hirar.