Wakilan babban taron jam’iyyar Republican na ta sauka a jihar North Carolina a wannan makon, inda saboda annobar coronavirus aka takaita adadin wadanda zasu halarci taron a zahiri da kuma wadanda za a gudanar ta yanar gizo.
WASHINGTON DC —
A makon jiya, yan jam'iyyar Democrat sun zargi Trump da cewa, matakan da ya dauka dangane da annobar coronavirus da kuma zangar zangar adawa da wariyar launin fata, sun ta’azzara.
Binciken ra’ayoyin jama’a na nuni cewa, dan takararsu Joe Biden yanzu ya sha gaban Trump da maki tara.
Amma Trump, na da farin jini a tsakanin ‘yan Republican. Tsakanin Amurkawa kuma maki 42 cikin dari da ya ke da shi, ya dara na bara. Wakili daga jihar Kansas, Mike Kucklelman ya ce ya saurari taron na Democrat amma baiji wani abu sabo ba.