Hukumar kididdiga ta NBS a Najeriya ta ce a cikin watan Yulin shekarar 2024, hauhawar farashin kayayyaki ta sauka zuwa kashi 33.40%.
WASHINGTON, D. C. —
A watan Yunin shekarar 2024 hauhawar farashin ya tsaya a kashi 34.19%.
Hukumar ta NBS ta wallafa wannan sabuwar kididdiga ne a ranar Laraba a shafukanta na sada zumunta ciki har da shafin X.
Hakan na nufin hauhawar ta ragu da maki 0.8% idan aka kwatanta da makin hauhawar a watan Yunin shekarar 2024.
Makonni biyu da suka gabata, ‘yan Najeriya suka fita zanga-zangar tsadar rayuwa saboda yadda farashin kayayyaki ke fin karfin talaka.
Sai dai kamar yadda kwararru a fannin tattalin arziki ke fada, ba kasafai irin wannan ci gaba da hukumar ta NBS take fitarwa yake kai wa kai-tsaye ga al’umar kasar ba.
“Muna fatan hakan zai sa CBN ya rage kudin ruwa.” In ji Femi @adebiyioluwafem.
“Shin haka yake a unguwanni? DatUrhoboMan a shafin X.