WASHINGTON, D. C. - Gwamnan jihar, Malam Dikko Umaru Radda, ya ce manufar ita ce rage nauyin fursunoni a fadin gidajen gyaran hali na jihar a cikin wannan watan na Ramadan da kuma bukukuwan Sallah mai zuwa.
Babban Lauyan jihar kuma kwamishiniyar shari’a Fadila Muhammad Dikko ce ta bayyana hakan a wata sanarwa.
Ta ce mutane 222 da suka ci gajiyar tallafin, an zabo su ne bayan an tantance su sosai, biyo bayan shawarwarin da gwamnatin jihar ta ba su na ta shiga tsakani.
"Ana sa ran aikin alherin da Gwamna ya yi zai rage cunkoso a wadannan wuraren tare da baiwa fursunonin da aka sako damar cin moriyar bikin Sallah tare da 'yan uwansu," in ji Fadila.
Da yake yabawa Gwamna Radda kan wannan shiri, babban mai shigar da kara na Katsina ya bayyana cewa, an zabo wadanda suka ci gajiyar shirin ne daga cikin fursunonin da ake tsare da su bisa kananan laifukan kasuwanci da kuma wadanda laifukansu ba su kai minzamin manyan lafuka ba.