Davido zai yi amfani da wasan wajen tallata sabon kundin wakokinsa da ya yi wa take da “Timeless.”
Washington D.C. —
Fitaccen mawakin Afrobeat a Najeriya David Adeleke wanda aka fi sani da Davido, zai gwangwaje a filin wasa na Tafawa Balewa Sqaure (TBS) da ke Legas a Najeriya.
Wannan shi ne wasan Davido na farko da zai yi tun bayan rasuwar dansa Ifeanyi a bara.
Davido zai yi amfani da wasan wajen tallata sabon kundin wakokinsa da ya yi wa take da “Timeless.”
A ranar Lahadi 23 ga watan Afrilun 2023 wasan zai gudana a filin na TBS mai daukan mutum 50,000 a jihar ta Legas da ke kudu maso yammacin Najeriya.
Tun bayan da ya saki kundin a watan Maris, wakokin kundin ke ta tashe a dandalin sauraren wakoki na yanar gizo a Najeriya.