A jiya Lahadi kungiyar ta sha kashi a cikin gidanta, inda Leicester City ta lallasa ta da ci 5-2, a wasansu na biyu na gasar Premier ta wannan shekara.
Kakar wasannin da shige ne kadai marabinsu da kofin gasar ta Premier, wadda suka lashe a shekarar 2018, suka kuma lashewa a shekarar 2019, to amma masu sharhi akan lamurran wasanni na ganin kungiyar na fuskantar koma baya a wannan kakar wasannin.
'Yan Wasan Manchester City
To sai dai kuma wasu na ta’allaka matsalolin da kungiyar ke fuskantar a ‘yan kwanan nan da rashin wasu jiga-jigan ‘yan wasan ta kamar Sergio Aguero da Gabriel Jesus, wadanda yanzu haka suke jiyyar raunuka na tsawon makwanni.
To sai dai duk da haka wasu na dora alhakin ne kan dabarun mai horar da ‘yan wasan kungiyar Pep Guardiola, da kuma yadda yake amfani da ‘yan wasan, wanda ake ganin ba ya kai kungiyar ga samun nasara.