Kaftin ‘din kungiyar Hull City Michael Dawson, ne ya zarga kwallo a raga da ta baiwa klub ‘dinsa nasarar lashe wasan su da Liverpool a gida wanda aka tashi 1 – 0, wasan dai nada muhimmanci ga dukkannin kungiyoyin biyu a gasar Premier League da akeyi.
Wannan wasan dai shine wasan da Liverpool ke bukata, domin kamo takwararta Manchester United amma rashin sa’ar hakan ya bar kungiyar Man United maki bakwai gaban Liverpool.
Gaba ‘daya kungoyoyin dai nada wasa hudu gabansu, amma da alamun burin Liverpool na zuwa gasar Champion League yazo karshe.
Kungiyar Hull City a yanzu haka ta koma gaban kungiyar Aston Villa, da gaba ‘dayan su ke kusa da karshe kan teburin gasar ta Premier League, suna kuma da maki hudu gaba daya rabasu da barin wasan na premier.
Mai tsaron gidan kungiyar Hull City Steve Harper ya shigar da kungiyar Liverpool cikin takaici a wasan, bayan da aka sayar da dukkannin tikitin ‘bangaren magoya bayan Liverpool ‘din, amma sama da rabin magoya bayan sun nuna rashin jin dadin sun a biyan yiro hamsin don su kalli wasan.