Tsohon manajan kungiyar Manchester United Sir Alex Feguson, yayi Ikirarin cewa Lionel Messi bazai yi tasiri ba a wani waje banda Spain, ya kuma kara da cewa Cristiano Ronaldo zai iya kasancewa a ko wacce kungiya a duniya batare da ya sami matsala ba.
‘yan wasan biyu Messi da Ronaldo gaba ‘dayan su sun sami lambar zama zakarun wasa na duniya a shekaru bakwan da suka wuce, kuma ana ‘daukar su ‘yan wasan da suka fi kowa kyau a duniya. Amma Fergusan yace Ronaldo yafi Messi ‘karfin hali.
Ya cigaba da bayanin cewa Ronaldo zai iya yin wasa a kowanne kulub na duniya, amma ban san in Messi zai iya ba.
Manajan kungiyar Manchester Louis Van Gaal, ya fadi cewa David De Gea’s shine zai yanke shawarar ko zai iya zama a kulub ‘din sa ko a a.
Shi dai mai tsaron gida yazo kungiyar Manchestar a shekara ta 2012 kan kudi yiro miliyan 18.9, yakuma zamanto shine mai tsaron gidan da babu kamar sa a Ingila.
Kungiyar Real madrid tayi kokarin ‘dauko David zuwa gida Spain, amma Iker Casillas da Van Gaal na ganin cewa Manchester United ba zata iya komai ba in har bata da David.
