Kungiyar kwallon kafa ta Deportivo La Coruna, ta rikewa Malaga wuya a gasar Spanish lig, inda suka tashi kunan doki daya da daya a yau din nan.
Minti biyu bayan dawowa hutun rabin lokaci, sai dan wasan gaba na Malaga, wato Nordin Amrabat, ya jefa kwallo, a ragar Deportivo daga wajen yadi goma sha goma sha takwas, wato {18}.
Bayan da aka ta kai gwauro da mari tsakanin kungiyoyin biyu, sai kungiyar Deportivo, ta samu bugun tazara inda dan wasanta Oriol Riera, ya samu nasarar jefa kwallon a raga da kai a minti 60 da fara wasan.
Yanzu haka Malaga itace ta bakwai akan teburin inda ita kuwa Deportivo, da maki daya kachal ta tsira. Koda yake mai tsaron gidan Deportivo, wato Fabricio Agosto, yayi rawar gani inda saura ‘yan mintici a tashi wasan ya nuna bajinta inda ya jawa Malaga birki.
