Da farko ‘yan kasar Jamus ne suka buga wasa mai kyau a gasar kwallon da aka yi a filin wasa na Khalifa International Stadium inda Ilkay Guendogan ya zura kwallo a bugun fenariti a daidai minti na 33 bayan da golan Japan Shuichi Gonda ya yi wa David Raum keta.
Mamaye wasan karo na biyu bai yiwu ba ga Jamus, a zagaye na biyu Japan ta buga wasa mai kyau inda ta kai hare-hare da a karshe suka ba Doan da Asano damar zura kwalaye.
Wannan shi ne karo na uku a jere da aka lallasa Jamus a wasanni farko na babbar gasar cin kofin kwallo, bayan da ta sha kashi a hannun Mexico a gasar cin kofin duniya ta 2018, lokacin da ta sha kayi a matsayin mai rike da kambi da kuma lokacin da ta sha kayi a hannun Faransa a gasar cin kofin nahiyar ta 2020 ta Euro 2020.
Kasar Croatia wadda ta zo ta biyu a gasar cin kofin duniya da ya gabata, ta yi baram baram da Morocco inda aka tashi da ci 0-0 a filin wasa na Al Bayt ranar Laraba 23 ga watan Nuwamba a wasan farko na rukunin F na gasar da ake yi a Qatar.