Wasu da dama dai sun ce fim din na cike da sabo kuma sun ce yana yada labaran karya kan addinin Musulunci.
Burtaniya na ta ganin tashin hankali game da wani fim din - The Lady of Heaven wanda masu sukar suka kira "mai cike da sabo" da "wariyar launin fata".
Jaridar Firstpost ta ruwaito cewa Fim din, wanda aka sake shi a ranar 3 ga watan Yuni, ya nuna labarin Nana Fatima, 'yar Annabi Muhammad (SAW,) kuma an sanya shi a matsayin fim na farko da ya fara yin haka.
Wannan labarin yana da alaƙa da tatsuniyar wani ƙaramin yaro dan Iraqi a zamanin yau bayan shekaru 1,400 da suka wuce.
Sai dai, sanannen silima a Burtaniya ya takaita duk wani nunin fim din saboda damuwa ga ma'aikatansa da amincin abokan cinikayyars. Haka kuma, Maroko ta haramta fim din, yayin da Masar, Pakistan, Iran da Iraki duk suka yi tir da shi.
Fim din ya kai ga cire wani limami wanda ke matsayin mai ba gwamnati Burtaniya shawara.
Fim din dai ya sha kakkausar suka daga al'ummar Musulmi, inda da dama suka ce fim din na cin mutunci ne da kuma nuna wariyar launin fata.
Daya daga cikin dimbin matsalolin da fim din ke da shi shi ne yadda ake nuna annabawan Musulunci.
Haka kuma an an yi suka sosai kan fim din saboda yadda yake nuna wasu jarumai da dama a matsayin Sahabban Annabi Muhammad SAW, wadanda suka hada da Abubakar, Umar ibn al-Khattab, Kalifofin Musulunci na farko.
~Firstpost