A dai dai lokacin da ake kara zaman dardar game da batun shirin nukiliya da makamai masu linzamai na Koriya Ta Arewa, yanzu haka Amurka ta fara 'daukar mataki.
WASHINGTON D.C. - —
Jiya Laraba sojojin Amurka sun fara jigilar wasu na'urorin tarwatsa makamai masu linzami sanfurin THAAD zuwa inda za a girke su a Koriya Ta Kudu, a cewar Koriya Ta Kudun.
"Koriya Ta Kudu da Amurka sun yi ta aikin tabbatar da ganin sun girke makamai sanfurin THAAD cikin lokaci, a matsayin martani ga barazanar nukiliya da makamai masu linzami da mu ke fuskanta dsaga Koriya Ta Arewa," a cewar Ma'aikatar Tsaron Koriya Ta Kudu a wata takardar bayani.
Tun a farkon watan Maris aka aika ma Koriya Ta Kudu wasu sassan makaman na THAAD.