Yau dandali ya sami bakunci edita Ali mohd Idris, wanda aka fi sani da 'Ali artwork, kuma mun zanta da shi ne akan sabuwar sana’arsa wato comedy (barkwanci ) da yake yi a minti daya.
Artwork, ya ce ya fara barkwanci ne bayan ya lura a arewacin Najeriya ba a da masu barkwanci kamar su basketmouth, ko Bovi, da sauransu wanda a cewarsa na daga cikin muhimmaman abubuwan da suka sa ya fara, bayan ya lura yana yawan sa mutane dariya.
Artwork ya bayyana cewa baya ga barkwancin minti guda guda da yake sakawa ta shafukan sadarwa, yakan yi abin nan da turawa kan cewa ‘standup comedy’ wato baiwa mutane nishadi a wuraren nishadi.
Kuma babban burinsa a rayuwa bai wuce yayi fice kamar yadda sauran wadanda ke faggen nishadi suka yi suna da fice ba.
Domin Karin bayani saurari cikakkiyar hirar a nan
Your browser doesn’t support HTML5
Sana'a Goma Da Goma Ga Editin Ga Harkar Barkwaci : Ali ArtWork