WASHINGTON DC —
Rahoton yace ‘yan Najeriya sun biya kudin fansa har dala biliyan 1.42 ga masu garkuwa da mutane a cikin shekara guda.
Sannan fiye da mutane 600,000 ne aka kashe, yayin da aka yi garkuwa da sama da miliyan biyu a fadin kasar daga watan Mayu 2023 zuwa Afrilu 2024.
Rahoton yace ‘yan ta’adda masu dauke da makamai, da aka fi sani da ‘yan bindiga, suna haddasa tashe-tashen hankula a yankin Arewa maso Yamma da Arewa ta Tsakiyar Najeriya.
Rahoton ya ce kaso 91% na garkuwa da mutanen na neman kudin fansa ne, yayin da kaso 2.4% ya danganci manufofin siyasa, ta’addanci ko sauran mugayen laifuffuka.
Rahoton yace ‘yan Najeriya sun kashe dala biliyan 1.4 domin kubutar da ‘yan uwansu daga hannun masu garkuwa da mutane.
Dandalin Mu Tattauna