A Najeriya kuma mun sami labarin ‘yan bindiga da ba a san ko su wanene bane sun kashe mutane biyu, suka jikkata dan sanda daya da baya bakin aiki, lokacinda suka kai hari a daren jiya jumma’a a wata mashaya a unguwar Wuro Hausa dake cikin garin Yola.
Wani mutum da lamarin ya auku ba nisa daga inda yake, ya gayawa wakilin Sashen Hausa na Muriyar Amurka a Yola cewa yaji harbe harben bindiga, da yaje kuma ya tarar da gawarwakin mutane biyu, da mutum daya da aka jikkata.
Ahalin da ake ciki kuma gwamnatin jihar ta sassauta dokar hana yawo na sa’o’I 24 da aka kafa a wasu kananan hukumomin jihar, yanzu an maida dokar hana yawon daga karfe shida na yamma zuwa shida na safe.
Saurari:
