‘Yan sanda sun cafke wata matashiya mai sabon ‘yar shekaru 28 da haihuwa Shafa Muhammed, a sakamakon yanka data yiwa mijinta rauni da reza a kansa.
Ma’auratan dake zama a unguwar Arkilla, dake karkashin karamar hukumar Wamakko, jihar Sokoto, basu wuce sama da sati uku da yin aure ba kafin afkuwar lamarin.
Jaridar Daily Post, ta wallafa cewa kamfanin dillancin labaran Najeriya, ya bayyana cewa an zargi yiwa Shafa auren dole ne da Umar Shehu. Lamarin ya afku ne yayin da mutumin ya shiga dakin matar tasa domin saduwa da ita, inda ta tafka masa yanka da reza a kai.
Mutumin ya sami raunika a kansa kamar yadda ‘yan uwansa da suka bukaci a sakaya sunan su suka bayyana.
Jami'in 'Yan sandan yankin, ASP Ibrahim Abarass, ya tabbatar da afkuwar lamarin, inda ya bayyana cewa an yi wa Umar Shehu magani kuma an sallame shi daga asibiti.
Daga karshe ya bayyana cewa yanzu haka matashiyar na tsare kuma za a hukunta ta bayan an kammala bincike.
Facebook Forum