Bayan amincewa akan kudi kusan dala miliyan talatin da biyar a satin daya gabata, Kungiyar kwallon kafa ta Arsenal ta bayyana cewa shahararren dan wasan kwallon kafar nan Shkodran Mustafi, ya isa mazaunin kungiyar inda ya zamo na shidda cikin wadanda suka rattaba hannu domin takawa kungiyar kwallon leda a kakar wasannin bana.
‘Yan wasan da suka rattaba hannu da kungiyar sun hada da Lucas Perez, da Granti Xhaka, da kuma dan matashin nan Tro,da Takuma Asano sai kuma Kelechi Nwakali.
Shugaban kungiyar kwallon kafa ta Arsenal, Wenger ya bayyana cewa matashin mai shekaru 24, da haihuwa ya kware a wajan taka leda, kuma shekarunsa sun yi dai dai da yadda kungiyar ke bukata.
Wenger ya kara da cewa kungiyar sa ta shirya tsaf, kuma yana hangen gagarumar nasara a gaba.
