Hada-hadar Kasuwanci Da Zawarcin Zaratan 'Yan Wasan Kwallon Kafa Na Duniya
WASHINGTON D.C —
Kungiyar kwallon kafa ta PSG na shirin sayen dan wasan wolfsburg mai suna Draxler akan kudi yuro miliyan €75.
Real Madrid tana zawarcin dan wasan kasar Gabon Aubameyang.
Ita kuwa Tottenham na neman dan wasan Real Madrid, ne mai suna Isco dan shekaru 24 da haihuwa.
Yayin da Inter Milan ke shirye shiryen bada dan wasanta mai suna Marcelo Brozovic, ga Kungiyar Chelsea da nufin chanji da Fabregas.
Shi kuwa dan wasan sporting Lisbon, Adrien Silva, ya bayyana aniyarsa ta komawa Kungiyar kwallon kafa ta Leicester City, da taka leda a bana.
Man united tace tana bukatar dan wasanta mai suna Marco Rojo, yaci gaba da zama a Kungiyar. Rojo yana daya daga cikin wadanda Mourinho ya jera sunayensu acikin wadanda zai sayar da su awannan shekarar.
Bala Branco ma'aikacin jarida ne a Albarka Radio FM Bauchi dake tarayyan Najeriya wanda yake shirya wa Dandalin VOA labaran wasanni, Haifaffen Unguwar Nufawa ne dake birnin Bauchi. Mazaunin Bauchi a Najeriya.
Ibrahim Jarmai, ma’aikacin jarida (International Broadcaster Multi Media) a sashen Hausa na muryar Amurka, mai gabatar da shirye shirye a radio da talabijin, da kuma shafukan yanar gizo, dan asalin jihar Kasina.
