A gasar LaLiga ta kasar Spain, a fafata wasani na mako biyu a ranar asabar inda Real Betis suka tashi babu ci tsakini su Deportivo Coruna, Spanyol sun tashi biyu da biyu da Malaga, yayin da Osasuna ta sha kashi a hannun Real Sociedad da ci biyu da babu.
Eibar ta sami nasara akan Valencia da ci daya mai banhaushi yayin da Real Madrid, ta bi Celta Vigo har gida ta dike ta biyu da daya Leganes da Atletico Madrid sun tashi kunnen doki babu ci.
Las Palmas, ta lallasa Granada da ci biyar da daya yayin da Alaves suka tashi babu cin da Sporting Gijon, Athletic Club, ta sha kashi a hannun Barcelona da ci daya mai Banhaushe, yayin da Villarreal suka tashi babu ci tsakanin su Sevilla.
Las Palmas, yanzu haka ke kan teburin la liga da maki shida da kwallaye tara yayin da Barcelona, ke biye da maki shida da kwallaye bakwai Real Madrid tana mataki na ukku, da maki shida da kwallaye biyar, yayin da a kasan tebur kuwa Athletic Club, take mataki na sha takwas Celta Vigo tana mataki na sha tara ita kuwa Valencia take kasan tebur.