WASHINGTON, DC —
Likitoci masu bincike a nan Amurka sun ce matakan da aka dauka na yaki da shan taba sigari ya ceci rayukan Amurkawa miliyan 8 tun lokacin da aka gabatar da rahoto mai dimbin tarihi kan yadda shan taba ke lalata lafiyar bil Adama shekaru 50 da suka shige.
Mujallar nan ta kungiyar likitocin Amurka ta bada rahoto jiya talata cewa matakan da aka dauka na kayyade yadda ake sayarda taba sigari a Amurka tun shekarar 1964 sun taimaka wajen kara tsawon shekarun da ake sa ran ‘yan shekaru 40 da wani abu yanzu haka a nan Amurka zasu yi a duniya.
Amma kungiyar likitocin ta Amurka ta ce tilas a ci gaba da kokarin da ake yi domin rage yawan mutanen dake mutuwa a sanadin shan taba sigari a kasar nan.
Rahoton da babban likitan Amurka Luther Terry ya bayar a shekarar 1964, wanda a karon farko ya bayyana cewa sigari yana haddasa cutar sankarar huhu, ya girgiza Amurka sosai a lokacin da kashi 40 cikin 100 na Amurkawa su na shan taba sigari. A yau, kashi 18 cikin 100 na amurkawa ne kawai suke shan taba sigari.
Rahoton nasa ya sa an dauki matakai kamar na rubuta gargadin illolin taba a jikin kwalayensa tare da haramta yin tallar taba sigari a gidajen rediyo da telebijin a duk Amurka.
Amma kuma duk da haka, har yanzu kimanin Amurkawa dubu 443 suke mutuwa kowace shekara a sanadin shan taba sigari, kuma yana daya daga cikin manyan abubuwan dake haddasa cutar sankarar huhu, da ciwon zuciya da shanyewar jiki.
Mujallar nan ta kungiyar likitocin Amurka ta bada rahoto jiya talata cewa matakan da aka dauka na kayyade yadda ake sayarda taba sigari a Amurka tun shekarar 1964 sun taimaka wajen kara tsawon shekarun da ake sa ran ‘yan shekaru 40 da wani abu yanzu haka a nan Amurka zasu yi a duniya.
Amma kungiyar likitocin ta Amurka ta ce tilas a ci gaba da kokarin da ake yi domin rage yawan mutanen dake mutuwa a sanadin shan taba sigari a kasar nan.
Rahoton da babban likitan Amurka Luther Terry ya bayar a shekarar 1964, wanda a karon farko ya bayyana cewa sigari yana haddasa cutar sankarar huhu, ya girgiza Amurka sosai a lokacin da kashi 40 cikin 100 na Amurkawa su na shan taba sigari. A yau, kashi 18 cikin 100 na amurkawa ne kawai suke shan taba sigari.
Rahoton nasa ya sa an dauki matakai kamar na rubuta gargadin illolin taba a jikin kwalayensa tare da haramta yin tallar taba sigari a gidajen rediyo da telebijin a duk Amurka.
Amma kuma duk da haka, har yanzu kimanin Amurkawa dubu 443 suke mutuwa kowace shekara a sanadin shan taba sigari, kuma yana daya daga cikin manyan abubuwan dake haddasa cutar sankarar huhu, da ciwon zuciya da shanyewar jiki.
