Sai dai masu lura da a'lamura na cewa akwai babban aiki a gaban su na sake farfado da tattalin arzikin kasar da ya durkushe cikin shekarun da suka gabata.
Shugaban jam'iyyar Labour Keir Starmer ne zai zama Firaiminista a hukumance a ranar Juma'a, wanda zai jagoranci jam'iyyarsa ta komawa gwamnati, kasa da shekaru biyar bayan ta sha kaye mafi muni cikin kusan karni guda.
Starmer zai karbi ragamar mulki a fadar 10 gwamnati da ke Downing St. sa'o'i bayan an kirga kuri'un ranar Alhamis.
Rahotanni sun yi nuni da cewa, firaiminista Rishi Sunak har ya kama hanyar zuwa fadar Buckingham don ba da takardar murabus dinsa ga Sarki Charles III.
"Wannan rana ce mai wahala, amma na bar wannan aikin, cikin girmamawa na zama Firaminista a mafi kyawun ƙasa a duniya," in ji Sunak a cikin jawabinsa na ƙarshe a wajen gidan gwamnati.
-AP
Dandalin Mu Tattauna