United din na bukatar samun dan wasan mai shekaru 23, wanda mafi akasari Barcelonar ke amfani da shi a matsayin canji, domin samar da zabi ga dan wasan ta Jadon Sancho.
Sau daya ya taba buga wasa a kakar wasanni ta bana a kungiyar ta Barcelona a karkashin sabon koci Ronald Koeman, inda ya shiga a matsayin canji a minti na 70.
Rahotanni sun bayyana cewa dan wasan dan kasar Faransa, ya amince da yarjejeniya da kungiyar ta United, duk da yake dai kungiyar ta na son shi ne a zaman aro, yayin da shi kuma yake fatan barin kungiyar Barcelona na dindindin.
Tuni dai da kungiyar ta United ta kammala cefanen dan wasan Atalanta Amad Traore akan kudi Yuro miliyan 30.
Traore matashi dan shekaru 18, ya soma taka leda ne a kungiyar Boca ta kasar Italiya, kafin komawarsa Atalanta a shekara ta 2015.
Dan wasan na kan hanyarsa ta komawa kungiyar Parma, a zaman aro, kafin ya koma Manchester United a watan Janairu mai zuwa.
Facebook Forum