WASHINGTON, DC —
Gangar siyasa dai ta kada a Jamhuriyar Nijar, bude yakin neman zabe lokacine da wasu ‘yan kasuwa musammam ma masu sayar da kyallaye ke cin kasuwar su.
Birni da karkara kowa ya ‘dauki harami, domin a ko’ina an lika tutocin jam’iyyun siyasa da hotunan ‘yan takara, wanda suka hada da na masu neman kujerar shugaban kasa da na ‘yan majalisu.
Muryar Amurka ta zagaya inda ta zanta da wasu jagororin jam’iyyun siyasa domin jin ta bakinsu. Inda sukayi kira ga matasa da neman ayi yakin zabe cikin ladabi da kwanciyar hankali a kasar.
