Kungiyar kwallon kafa ta Everton ta zabi Ronal Koeman mai shekaru 53 da haihuwa a matsayin mai horas da ‘yan wasanta har na tsawon shekaru uku akan kudi fan miliyan biyar a matsayin albashin da kungiyar zata biya shi a kowace shekara.
A kasar Ingila kuma tsohon mai tsaron gidan kungiyar Arsenal Jens Lehman, ya shawarci mai horas da kungiyar ‘yan wasan kungiyar Arsen Wenger da cewa yakamata ya kawo dan wasan gaba na Leicester City James biden wanda yanzu haka yake bugawa kasar Ingila wasa a gasar wasannin Nahiyar Turai.
Ya kuma shawarce shi da ya samo dan wasan baya domin kungiyar a cewar sa, tana da bukatar dan wasan da zai kula da bayan gidanta.
Kungiyar kwallon kafa ta Leicester City na shirin ba dan wasanta Riyad Mahrez dan shekaru 25 da haihuwa kudi fan 100,000 duk sati domin hana shi komawa wata kungiyar daban.
Ita kuma kungiyar Westharm United, ta shaida wa kungiyar kwallon kafa ta chealsea cewar bazata sayar da dan wasanta mai suna Dimitri Payet mai shekaru 25 da haihuwa ba koda nawa aka taya shi.
Saurari cikakken rahoton a nan.
