Embolo ya jefa kwallo gida da dan karami kurosin daga Xherdan Shaqiri bayan mintuna 48, sannan ya tsaya cak tare da murtike fuskarsa yayin da abokan wasansa suka yi murna a kusa da shi. An haifi matashin mai shekaru 25 a Yaounde amma ya girma a Basel.
Kamaru ce ta fi buga kwallo mai kyau a zagayen farko kuma watakila da ita zata fara zura kwallo ce kamar yadda Karl Toko Ekambi da Eric Mazima Choupo-Moting da Martin Hangla suka zubar da damarmaki masu kyau a wasan da bangare Switzerland ya yi fama a zagayen farko.
Sai dai ‘yan wasan Switzdrland sun kara kwazo a zagaye na biyu kuma sun kai ga cin kwallo ta hannu Embolo. Rubin Vargas ya barar da wata kaykkaywar dama ta cin kwallo ta biyu amma mai tsaron raga Andre Onana ya ture kwallon yayin da Kamaru ta rasa karsashi.
