Adama Bojang ne ya zura kwallo da ta kai Gambia ga yin nasara, mintuna bakwai bayan kuskuren kyaftin din Flying Eagles, Daniel Bamaiyi.
Wannan shine harbi daya tilo da Gambia ta samu a tsawon lokacin wasan.
Flying Eagles sun fafata sosai don ganin ta barke kwallon amma hakar ta bata cimma ruwa ba saboda rashin kwarewa a wasan karshe na uku.
‘Yan wasan na Ladan Bosso sun samu bugun fenareti saura minti shida a tashi wasan bayan da aka yi wa Ahmed Abdullahi rauni wanda ya shigo wasan daga baya a cikin akwatin abokan karawan su.
Dan wasan gaba na KAA Gent ya buga fenareti kwallon ta kauce ta daki katako, lamarin da ya jefa abokan wasansa cikin dacin rai.
An rage Gambia zuwa mutum 10 a makararren lokacin da aka fidda Haruna Njie a kalubalen da ake yi masa.
Kungiyar Flying Eagles za ta kara da Tunisia a wasan neman gurbi na uku a ranar Juma'a.
