A yau ranar Litinin MSF ta ce fararen hula suna fuskantar hare-hare da cin zarafi da daga bangarorin biyu.
MSF a cikin wani rahoto ta ce, raunuka da ake jiwa jama’a da tashin hankali da suke ciki ya kara tsananta sakamakon rugujewar tsarin kiwon lafiya da kuma rashin ba da agajin jin -kai na kasa da kasa.
Ta kara ce, tawagoginta sun yi jinyar dubban mutane da suka jikkata a yaki a yankunan da tashin bama-bamai ya shafa, da harsasai kan gidajen zama da muhimman ababen more rayuwa.
A duk fadin kasar Sudan, hanyoyin da jama'a ke samun kulawar ceton rai sun yi matukar lalacewa saboda karancin abinci, cikas da kuma sace-sacen kayayyakin jinya, rashin tsaro da hare-haren da ake kai wa majinyata da ma'aikatan lafiya, da kuma lalata kayayyakin kiwon lafiya.
Ta kuma zargi bangarorin da ke gaba da juna, Dakarun Sojin Sudan (SAF) da kuma na sa-kai (RSF), da "rashin kulawa" da rayuwar dan adam da dokokin kasa da kasa.
Ba a dai samu ji daga kowane bangare ba nan take don yin tsokacin wadannan zarge-zarge.
-Reuters
Dandalin Mu Tattauna