A watan Oktoba ne jami'an diflomasiyyar Indonesiya da Malaman addinin Musulunci suka sauka daga jirgin sama a China. Yayin da jami'an diflomasiyyar ke can don kammala yarjejeniyoyi don tabbatar da miliyoyin alluran rigakafin COVID-19 sun isa ga 'yan ƙasar Indonesiya, Malaman na da wata damuwa ta daban: Ko akwai izinin yin rigakafin COVID-19 a ƙarƙashin dokar Musulunci.
Yayinda kamfanoni ke tsere don samar da allurar rigakafin COVID-19 da ƙasashe ke ta jujjuyawa don tabbatar da allurai, tambayoyi game da amfani da kayayyakin alade, waɗanda wasu ka’idodin addinai suka hana, ya haifar da damuwa game da yiwuwar hana kamfen ɗin na rigakafin.
An yi amfani da kitse da aka samo daga naman alade a matsayin tabbatar da rigakafin sun kasance masu aminci da tasiri yayin ajiya da jigilar kaya. Wasu kamfanoni sun yi aiki na tsawon shekaru don samar da allurar rigakafin mara kitsen alade, kamar yadda Kamfanin hada magunguna na Switzerland Novartis ya samar da allurar rigakafin cutar sankarau marasa alade, yayin da AJ Pharma na Saudiyya da Malesiya ke aiki a halin yanzu da nasu.
-AP
