WASHINGTON D.C. —
Tsanannin sanyi da ake fama da shi a Amurka wanda aka ce ya hallaka akalla mutane tara a ‘yan makonnin nan, yana ci gaba da jefa mutane cikin mawuyacin hali kuma masana hasashen yanayi na cewa har yanzu ba a ga komai ba tukunna.
Jiya Talata ne hukumar hasashen yanayi ta Amurka ta fitar da gargadin yanayin sanyi mai kankara da tace zai abkawa har jihohin Amurka 40.
Gargadin matsanancin sanyin zata kasance har zuwa yau Laraba a jihohin daaka sansu da yanayin zafi irinsu Texas da Louisiana da Mississippi da kuma Alabama.
Asibitoci dake fadin Amurka na samun karuwar yawan mutanen da ke neman kulawa daga cututtukan da suka shafi sanyi.
Facebook Forum