Kamfanin jirgin saman Qatar ya ce fasinjojinsa yanzu za su iya daukar na’urar kwamputar ta tafi-da-gidanka da wasu na’urori masu amfani da lantarki cikin jiragen saman dake tafiyar kai tsaye zuwa Amurka.
A watan Maris ne Amurka ta hana shiga da kwamputar laptop da manyan na’urori masu amfani da lantarki wurin da pasinjoji ke zama, a jiragen dake zuwa Amurka daga tashoshin jirage 10 a gabas ta tsakiyar da arewacin Afrika saboda damuwar cewa ‘yan ta’adda za su iya boye bama-bamai a cikin na’urorin.
Ma’aikatar tsaron Amurka ta cikin gida ta fada a makon da ya gabata cewa ya kamata kamfanonin jiragen su fara amfani da manyan na’urorin daukar hoton kaya na musamman wajen duba kayan da ake shiga da su wurin zaman fasinjoji, ko kuma su ci gaba da hana fasinjojin shiga da kayan latroni cikin jirgin.
Facebook Forum