Amurka Da China Na Ci Gaba Da Yiwa Juna Barazana Akan Cinikayya

Kasar China ta kira barazanar da Shugaba Trump keyi na Karin kudin haraji akan kayayyakin da suke cinikayya da Amurka a matsayin wani yunkurin kai kasar makura da neman tozartawa,wanda kuma tuni ita ma tayi barazanar daukar matakin ramuwar gayya.

Kasar China dai ta mayar da martini ne a jiya lokacin da shugaba Trump yace yana shirin kara harajin dala biliyan 200 a kayan da kasar ta China take sayarwa Amurka musammam ma idan kasar taki ta sauya tabiu’nta.

Darektan hukumar kasuwanci na fadar White House,Peter Navarro ya shaida wa manema labarai a jiya Talata cewa, fadar ta White House ta baiwa kasar China damar da duk take bukata domin ta canza tabi’o’inta. Amma ta bi gaban kanta.