A yau Alhamis, Shugaban Amurka Donald Trump ya tabbatar da babu sauran masu numfashi bayan da wani shelkwaftan soja yayi taho mu gama da wani jirgin saman fasinja mai dauke da mutane 64 a sararin samaniya.
"Ina yi muku jawabi a wannan safiya a sa'ar da kasarmu ke cikin tsananin bacin rai," kamar yadda Trump ya bayyana a fadarsa ta white house bayan hatsarin jirgin saman washington.
"Yanzu aikin ya sauya zuwa na lalubo gawarwaki. Abin takaici shine babu sauran masu numfashi. wannan dare ne mai duhu da radadi a babban birnin kasarmu."
Ya zargi magabatansa Joe Biden da Barack Obama da kaskanta matakan kare afkuwar hatsura, kwana guda bayan da wani shelkwaftan soja da jirgin saman fasinja suka yi taho mu gama tare da rikitowa akan babban birnin, inda suka kashe mutane 67.
"Ni a komai ina baiwa aminci fifiko. Yayin da Biden da Obama ke baiwa siyasa fifiko," a cewar Trump yayin wani taron manema labarai a fadar White House, inda ya soki tsare-tsaren da dabbaka bambance-bambance a tsarin gudanarwar harkar sufurin jiragen sama.a matakin gwamnatin tarayya (FAA).
Dandalin Mu Tattauna