Shahararren dan wasan kwallon duniya Lionel Messi, ya auri tsohuwar budurwar shi, kuma uwar 'yayan shi Antonell Roccuzzo. Itace budurwar shi ta farko tun yarinta, a ranar Asabar da ta gabata ne, aka daura auren su.
Messi da amaryar shi, sun kwashe tsawon lokaci tare da abokai da masoya a wani filin shakatawa suna wasannin nishadantarwa. Sun fara soyayyar su tun a shekarar 2008, amma sun san juna tun suna ‘yan shekaru 5.
Bukin nasu ya dau hankali matuka a kasar ta Argentina, wanda baki daga koina suka halarta, mawakiya Shakira, na daya daga cikin manyan baki a ranar bukin.
‘Ya’yan su biyu Thiago da Mateo, suna daga cikin mahalarta shagugulan bukin. Sai a ranar bukin ne suka bayyana ma jama’a wani rubutun alkawali da sukayi a jikin su, wanda yake nuna alkawalin ranar auren su da alamar kara dankon soyayya.
Facebook Forum