WASHINGTON, DC —
Yau Laraba aka yankewa dan wasa Olympic na kasar Afrika ta kudu, Oscar Pistorius hukuncin daurin shekaru shidda, a saboda an same shi da laifin kashe budurwar sa Reeva Sheenkamp shekaru uku da suka shige.
A yayinda ta ke yanke wannan hukunci, mai shari’a Thokozile Masipe tayi misali da taksicin da shi Pistorius ya nuna a lokacinda yake wa’adin hukuncin farko da aka yanke masa.
A lokacin da ake yi masa shari’a Pitorius yayi ikirarin cewa yayi kuskure ne a lokacinda ya harbe budurwar sa domin ya zaci barwo ne ya shiga gidan sa. Ya harbe ta sau hudu a shekara ta dubu biyu da goma sha uku.
To amma lauyoyin gwamnati sun ce dama ya shirya kashe ta ne.
