A Kano-Kwamishina Yayi Murabus Kan Shirin Gwamnatin Jihar Na Shiga APC
Gwamnan jihar Kano, Dr. Rabi'u Musa Kwankwaso
Ga alamar ziyarar zawarcin da APC ta kai jihar kano ta janyo wani kusa a gwamnatin Kwankwaso yin murabus.
WASHINGTON, DC —
Ga Alama ziyarar zawarcin da shugabannin jam’iyyar APC suka kaiwa Gwamnan jihar Kano Rabi’u Musa Kwankwaso, ta bar baya da Kura.
Ziyarar ta makon jiya da APC ta kai Kano tana ci gaba da janyo surutai, da cece-kucen Siyasa. Wannan yunkuri na Zawarcin da APC keyi a Kano ta janyo Murabus din Kwamishinan Ilmi na Jihar Kano Barr. Faruk Iya Sambo. Ya kuma bada dalilin murabus din nasa da cewa yayi ne bisa manufa domin shi ba zai bar jam’iyyar PDP ba.
