'Yan Boko Haram sun yiwa wani limami da iyalansa yankan rago a Kamaru
Shugaban kasar Kamaru Paul Biya
Wasu 'yan Boko Haram sun yiwa limamin garin Mano dake kusa da garin Kwalkwata a jihar arewa mai nisa cikin kasar Kamaru yankan rago tare da iyalansa
WASHINGTON DC —
Cikin dare ne 'yan ta'adan Boko Haram suka shiga gidan limamin garin Mano dake jihar Arewa mai Nisa ta kasar Kamaru suka yi masa yankan rago tare da iyalansa.
'Yan ta'adan basu tsaya nan ba sai da suka sace shanu. Jami'an tsaro dake kusa da garin suna Kwalkwata ne garin da ya fi girma a yankin.
A garin Kwalkwata din ma maharan sun sace shanu masu yawa har da masu kiwonsu da suka yi awan gaba dasu.
Lamarin baya bayan nan na neman ya zama kalubale ga sha'anin tsaro a jamhuriyar Kamaru wadda a makon jiya ta yi ikirarin sake salon tsaro domin shawo kan 'yan Boko Haram.
Ga karin bayani.
Your browser doesn’t support HTML5
'Yan Boko Haram sun yiwa wani limami da iyalansa yankan rago a Kamaru - 2' 22"
