Wasu yan bindiga da suka boye fuskokinsu sun kai hari a cibiyar horar da yan sandan Pakistan a kudu maso gabashin birnin Quetta, a jiya Litinin kuma sun kashe kuratan ‘yansanda sama da 40 da wani jami’insu, sun kuma raunata mutane sun fi dari.
WASHINGTON, DC —
Rahottani sun nuna cewa ‘yan bindigar sun yi garkuwa da mutane da dama da ba a san adadinsu ba. Daga baya rundunar sojin Pakistan suka zagaye makarantar, inda fada ya kaure a tsakaninsu har zuwa asubahin yau Talata.
Wadanda suka shedi al’amarin sun ce sun jiashewa masu yawa da tashin bama bamai sau biyu a cikin cibiyar dake da dakunan kwanan yan sandan da ake horarwa.
Rahotannin farko na nuna akwai mutane sama da dari biyu a cikin ginin lokacinda aka fara rigimar.
Fira ministan Pakistan Nawaz Sharif yayi Allah wadai da wannan hari da ya kira na “matsorata.”