Wasanni

Yadda Chelsea Ta Zubar Da Damarta, Man City Ta Lallasa Fulham

'Yan Wasan Chelsea

Kungiyar Chelsea a gasar Premier League ta Ingila, ta zubar da damar da ta samu ta taka rawar gani a gasar, bayan da suka tashi canjaras da Leeds.
WASHINGTON D.C. — 

Sai dai wannan sakamako na nufin, har yanzu Chelsea ba ta sha kaye ba karkashin jagorancin sabon kocinta Tuchel.

Duk da da cewa bangarorin biyu wadanda suka kara a ranar Asabar, ba su da magoya bayan da za su kara musu kaimi a filin wasan, dukkansu sun nuna bajinta a wasan.

Sai dai sabanin wannan wasa, Manchester City ta lallasa Fulham da ci 3-0 lamarin da ya kara mata damar zama daram a saman teburin gasar ta Premier.

Wannan sakamako na nufin City ta ba da tazarar maki 17, yayin da Manchester United wacce ke da wasanni biyu da za ta buga a nan gaba take biye da ita.

Yanzu City na da maki 71, United na da maki 54, Leicester na da maki 53 a matsayi na uku a teburin gasar ta Premier.

A wasannin kuma da za a buga a ranar Lahadi, Southhampton za ta kara da Brighton, Leicester za ta gwada kaiminta da Sheff United, yayin da Arsenal za ta karbi bakuncin Tottenham.