Sanannen dan kasuwa Seyi Tinubu, dan Bola Ahmed Tinubu na jam’iyyar APC a Najeriya ya bukaci shahararren mawakin Najeriya Davido ya yi taron wake-wake da raye-raye kyauta ga masoyansa don ya yi musu godiya.
Tinubu yayi wannan kiran ne saboda kudaden da abokan arziki da masoya suka tara wa mawakin. Davido dai ya yi kira ga abokansa da kowannensu ya ba shi miliyan 1. Mutane da yawa sun tura mashi kudin wanda suka kai sama da naira miliyan 160.
A halin da ake ciki kuma, hamshakin dan kasuwa Obi Obinna Iyiegbu, wanda aka fi sani da Obi Cubana, ya taya mawakan PSquare murnanar zagayowar ranar haihuwarsu bayan da suka sasanta tsakaninsu.
Wannna na zuwa ne bayan da aka ga shahararrun mawakan a bidiyo suna rungumar juna bayan sun kwashe shekaru da yawa basa ga maciji.