Da yammacin yau Alhamis ne wasu ‘yan bindiga suka kai hari unguwar Jiddari Polo dake wajen birnin Maiduguri, inda akayi ta jin ‘karan harbe-harbe da fashewar ababen fashewa.
WASHINGTON DC —
Wakilinmu Haruna Dauda ya je ya ganewa idanunsa inda ya bayyana cewa da misalin 5 da wasu 'yan mintuna na yamma, wasu da ake zaton yaran kungiyar Boko Haram ne sun kai hari a unguwar Jiddari Polo da ke wajen garin Maiduguri da kuma bayan High Court. Wannan ya tilastawa mazauna unguwar ficewa zuwa cikin gari.
An ce an karan abubuwa masu fashewa masu karfin gaske da kuma harbe-harben bindigogi a unguwannin.
Abun da ke daurewa jama'a kai shine yadda a lokutta da dama ana samun hare-haren da ake zaton cewa yaran 'yan kungiyar Boko Haram ne ke kai hari a bangaren Jidari Polo da High Court.
Saurari Cikakken Bayanin Haruna Dauda Biu
Your browser doesn’t support HTML5
Wasu 'Yan Bindiga Sun Kai Hari a Maiduguri - 2' 32"
