Rikicin kan iyaka tsakanin Isra'ila da kungiyar Hizbullah ta kasar Labanon na kara ta'azzara a 'yan makonnin da suka gabata, lamarin da ya haifar da fargabar barkewar yakin Isra'ila da Hizbullah. Harin da aka kai a kan iyakar arewacin Isra'ila ya kai ga kwashe dubban mutane daga yankunan biyu.
Firaministan Isra'ila Benjamin Netanyahu
A jawabin da Erdogan ya yi wa 'yan majalisar dokoki na jam'iyyarsa ta AKP a majalisar dokokin kasar ya ce Firaministan Isra'ila Benyamin Netanyahu na shirin gudanar da yakin Gaza zuwa yankin.
"Da alama a yanzu Isra'ila ta mayar da idanunta kan Lebanon bayan da ta lalata da kuma kona Gaza, muna ganin kasashen yammacin duniya suna baiwa Isra'ila goyon baya a sakaye," in ji Erdogan.
Gaza bayan wani hari daga Isra'ila
Ya ce shirin Netanyahu na kawo yakin Gaza zuwa yankin zai haifar da wani babban bala'i, yana mai cewa goyon bayan da kasashen yamma ke baiwa Isra'ila abin takaici ne.
-Reuters