Shugabannin hukumomi dake bada ilimi na jihohi talatin da shida na Najeriya sun yi taron inda suka tabo yadda tabarbarewar tsaro ta shafi ilimi
WASHINGTON, DC —
Yadda har mutane rike da bindigogi zasu shiga makarantu su kashe yara da malamai a jihohi kamar su Yobe da Borno abun damuwa ne. Lamari ne da gwamnoni da shugaban kasa ya kamata su tashi tsaye domin yana yiwa ilimi rauni a arewa da ma kasar.
Da a Najeriya ana daukan yara daga Legas zuwa Maiduguri ko Sokoto ko kuma daga Gusau zuwa Oyo ko daga Kano zuwa Ibadan ko dai wani gari daban. To yanzu a halin da ake ciki iyaye na shakkan barin 'ya'yansu su yi nisa da su ba domin komi ba domin rashin tsaro har ma a makarantu.
Taron shugabannin ilimin ya tabo batun samarda malamai nagatartu a makarantun framare da sakandare ba na bogi ba. Kamata yayi kafin a dauki malamai a bincikesu. A tabatar suna da takardun shaida na ilimin da suke ikirarin sun samu kana a bi digdigi. Sun yi misali da jihar Pilato inda malamai fiye da dubu daya suka ce sun yi karatu a makarantar horar da malamai a Gindiri. Da aka bincika mutane takwas ne kawai suka yi karatu a makarantar. Duk sauran na bogi ne. Domin haka dole a binciki malamai kafin a daukesu aikin koyas da yara.
Mustafa Nasiru Batsari nada karin bayani.
Your browser doesn’t support HTML5
Tabarbarewar Tsaro Da Ilimi a Arewacin Najeriya - 2:45
