Shugaban adawa na kasar Kenya Raila Odinga ya yi kira ga al'ummar kasar su fita su gudanar zanga zangar kin jinin gwamnati bisa tsadar rayuwa.
Washington, DC —
Yau Litinin, Birnin Nairobi da sauran birane a Kenya suna shirin tukarar zanga-zangar nuna adawa da tsadar rayuwa karkashin mulkin shugaba William Ruto.
‘Yan sanda sun haramta zanga-zangar a ranar Lahadi sai dai kuma Odinga ya karfafawa ‘yan Kenya gwiwa su hallarci zanga-zangar.
An kashe mutum daya a Nairobi babban birnin Kenya yau Litinin sannan an raunata ‘yan sanda da dama a wata arangamar da suka yi da masu zanga-zangar.
Zanga-Zanga a Kenya
Hukumar layin dogon Kenya ta fitar da wata sanarwa a ranar Lahadi dake cewa "an soke dukkanin zurga-zurgar layin dogo na gobe a sakamakon wasu al’amura da baza a iya kauce musu ba". Odinga ya bukaci ‘yan Kenya su fito kan tituna a yau Litini da ranar Lahadi domin yin zanga-zanga.