Trump ya gaisa da babban limamin wurin ibadar Jeffery Myers da kuma jakadar Isra’ila a Amurka Rom Dermer.
Shugaba Trump da Melania sun aza dutse a kan kowace kusurwar tambarin Isra’ila na Taurarin Annabi Dawuda wato "Stars of David" a turance a wajen ibadar. Aza dutse a kan kabari ko kan wani wurin tarihi wata tsohuwar al’ada ce ta Yahudawa.
Tarin jama’a masu kalubalantar ziyarar Trump ya kai, sun yi maci a kusa da wurin ibadar. Galibinsu suna ihu suna cewa ku juya bayanku, bisa tsammanin ayarin baburan shugaban kasar zai gabansu a lokacin da shugaban kasar ke kan hanyarsa zuwa asibiti domin ganin wasu ‘yan sanda da suka ji rauni a lokacin harbin.
Masu zanga zangar da wasu ‘yan siyasa da ma wasu shugabannin Yahudawan, sun bukaci shugaban ya yi Allah wadai da masu fifta farar fata a kan kowane jinsi, maimakon ziyarar da ya kai a Pittsburg.