Ministan harkokin cikin gida Felix Abdoulaye ya ce jami’an kashe gobara da na ruwa ne suka gano gawarwakin, kuma an kaddamar da aikin neman wadanda suka tsira.
Mourtalla Mbaye, darektan dakin ajiye gawarwaki na Saint-Louis a arewacin birnin kamun kifi na Saint-Louis inda aka kawo gawarwakin, ya shaidawa kamfanin dillacin labarai na Associated Press cewa kimanin mutane 155 ne ke cikin jirgin.
Wasu bakin haure a jirgin ruwa
Yawancin wadanda suka tsira sun sami raunuka kuma suna karbar magani a wani yanki na sojoji a birnin. Ya ce gawarwaki shida mutane ne da suka nutse, kuma ba a san adadin mutanen da suka tsira ba kuma har yanzu ba'a gansu ba.
Wasu bakin haure da aka ceto
Kwale-kwalen da aka ceto da yammacin jiya Laraba, ya zo ne kwanaki bayan da aka samu gawarwakin wasu bakwai da kuma ceto 50 a wani jirgin ruwa na daban wanda shi ma ya nufi Turai da aka gano a gabar tekun Saint-Louis.
Akalla mutane 90 ne ake fargabar bacewarsu daga wannan jirgin
~AP