Manyan kungiyoyin kwallon kafa da ke jagorantar teburin gasar premier league ta na Najeriya sun sha kashi a hanun Giwa FC da Shoting Stars.
A ci gaba da samun jerin nasasori akai akai, Giwa FC ta lallasa Eyimba da ci daya mai ban haushi a Jos, yayin da Shooting Stars ta doke Sunshine Stars da ci 2-1 a karawar cikin gida da aka yi a kudu maso yammacin kasar.
Duk da kashin da ta sha, Eyimba har yanzu itace a saman teburin gasar da maki 52 daga maki 28, wato ta baiwa Warri Wolves tazarar maki hudu ke nan, wadda ta kawar da Sunshine Stars daga mukami na biyu.
Nasarwa da Wolves sun tashi canjasar ne, wato ci daya da daya.
Ita kuwa Wikki Tourist ta samu galaba akan Akwa United da ci 3-1 a ci gaba da neman lashe kofin gasar, inda suke rike da gurbi na hudu da maki 47.
A daya bangaren kuwa Heartland ta doke abokiyar hamayyarta Enugu Ranger da ci 2-0, Kwara United kuwa ta karya lagwan Abia Warriors da ci daya da banza.